"Këngën e sprasme të Balës" Dara e paraqet si të popullit, por për nga fryma aktuale, uniteti i brendshëm dhe tiparet e stilit, si dhe romantika që e përshkon, duket që është fryt i talentit të tij. Vepra shoqërohet me një parathënie e një pasthënie, ku autori, shpreh synimet e veta patriotike, duke ngritur zërin e kushtrimit për shqiptarët. Poema doli në dritë më 1906 si libër më vete, pasi ishte botuar pjesë-pjesë në shtypin arbëresh. Aty trajtohen probleme aktuale të kohës duke iu drejtuar së kaluarës historike dhe kohës së lavdishme të Skënderbeut.
Nga botimi: Gavril Dara (I riu) – Kënga e sprasme e Balës, poemë, kthyer në gjuhën e sotme nga Razi Brahimi, Shtëpia botuese “Naim Frashëri”, Tiranë 1976.